Ministrja e Jashtme e Gjermanisë, Anna Baerbock, ka deklaruar se ajo “nuk do të pengonte” Poloninë nëse do të dërgonte tanke Leopard 2 në Ukrainë.

Ukraina i ka bërë thirrje Perëndimit që të sigurojë tanke të prodhimit gjerman, të cilat sipas tyre do t’i ndihmojnë të mposhtin Rusinë.

Ministri i Jashtëm i Ukrainës, Dmytro Kuleba u shpreh se Gjermania kishte fuqinë të “shpëtonte jetën e shumë ushtarëve ukrainas”.

Ndërkaq, kryeministri i Polonisë Mateusz Morawiecki tha se qeveria do të kërkojë autorizim nga Berlini, transmeton BBC. 

“Edhe nëse përfundimisht nuk do ta merrnim këtë pëlqim, brenda kornizës së një koalicioni të vogël, ne do t’i dorëzojmë tanket tona, së bashku me të tjerët, në Ukrainë,” tha zoti Moraëiecki.

Shefi i politikës së jashtme të Bashkimit Evropian, Josep Borrell, tha se Gjermania nuk do të ndalojë vendet e tjera të BE-së të eksportojnë tanke Leopard. Ai shtoi se diskutimet për mbështetjen për Ukrainën nuk duhet të sillen vetëm rreth tankeve.

/rtsh.al/