Lufta në Ukrainë shton goditjet në ekonomi, Nikolin Jaka: Bizneset, në limitet e ekzistencës

Ekonomi | 4 vite më parë

Bizneset shqiptare po përballen me dyfishimin e kostove për shkak të luftës në Ukrainë, ndërkohë që ende nuk kishin marrë veten nga humbjet që shkaktoi pandemia Covid-19.

Kryetari i Dhomës së Tregtisë Tiranë, Nikolin Jaka thotë se bizneset janë në limitet e ekzistencës, ndaj i bëri thirrje qeverisë për mbështetje. Nga ana tjetër, Jaka i bëri thirrje bizneseve që të solidarizohen me ndihma ushqimore si dhe medikamente për Ukrainën.

Në takimin me kryetarin e dhomës së tregtisë Tiranë, Ambasadori i Ukrainës Volodymyr Shkurov shprehu mirënjohjen për mbështetjen që Shqipëria ka treguar ndaj Ukrainës si dhe bëri thirrje për ndihmë financiare dhe humanitare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.