Lufta në Ukrainë vështirëson kontrollin mbi çmimet

Ekonomi | 5 vite më parë

Ekonomisë shqiptare do t’i duhen të paktën dy vite që të vendosë nën kontroll rritjen e lartë të çmimeve.

Profesor Selami Xhepa në një intervistë për RTSH-në thekson se inflacioni do të mbetet i lartë edhe nëse përfundon lufta në Ukrainë. Ndaj ai sugjeron qeverinë dhe Bankën e Shqipërisë të marrin në kohë masat që frenojnë rritjen e çmimeve.

Në këto kushte, ekspertët e ekonomisë sugjerojnë marrjen e masave për frenimin e rritjes së çmimeve, si për qeverinë po ashtu edhe për Bankën e Shqipërisë, që ka si objektiv kryesor ruajtjen e stabilitetit të çmimeve.

Një ditë më parë edhe Banka e Shqipërisë vlerësoi se konflikti Rusi- Ukrainë ka rritur inflacionin në Shqipëri përtej parashikimeve fillestare, ndërkohë që ekonomia po shfaq shenja ngadalësimi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.