Flamuri shqiptar në pistat ndërkombëtare vazhdon të valëvitet falë kampiones së Europës, Luiza Gega. Atletja shqiptare nuk e diskutoi fitoren në garën ekipore të 3000 metrave me pengesa, e vlefshme për Divizionin 3 por lajmi i madh është rekordi që vendosi Gega. Me kohën 9:17.31, atletja shqiptare regjistroi garën më të shpejtë të 3000 metrave me pengesa në një olimpiadë europiane.

Atletja 34-vjeçare fitoi medeljen e artë në europianin e atletikës së vitit të kaluar pikërisht në këtë kategori duke regjistruar një kohë rreth 6 sekoda më të shpejtë se kjo e regjistruar në Krakovë të Polonisë ku që prej datës 20 qershor po zhvillohen lojtart olimpike europiane, një ekskluzivitet i RTSH.

Gara për Luiza Gegën nisi pa shumë vështirësi pasi ajo mori menjëherë kryesimin dhe në fund të 3 mijë metrave ku inrterprestoi pothuajse cdo detaj në mënyrën më të mirë të mundshme, la pas izraeliten Cohen me plot 30 sekonda më shumë dhe izralndezen Connor që e mbylli garën 61 sekonda pas kampiones shqiptare.