Kancelari gjerman Olaf Scholz dhe presidenti francez Emmanuel Macron i kanë bërë thirrje presidentit rus Vladimir Putin që të bien dakord për një armëpushim të menjëhershëm në konfliktin me Ukrainën gjatë një telefonate 75-minutëshe të shtunën raporton BBC.

“Biseda është pjesë e përpjekjeve të vazhdueshme ndërkombëtare për t’i dhënë fund luftës në Ukrainë,” tha një zëdhënës i Scholz, por vuri në dukje se pjesëmarrësit kishin rënë dakord të mos thonë asgjë më tej në lidhje me detajet e sakta të diskutimeve.

Scholz kishte folur më herët me presidentin ukrainas Volodymyr Zelenskiy për situatën, shtoi zëdhënësi.

Ndërkohë, Kremlini tha se Putini kishte kritikuar atë që ai e quajti “shkelje flagrante” të së drejtës ndërkombëtare humanitare nga forcat e Ukrainës, megjithëse deklarata nuk shtjellonte se çfarë shkeljesh kishte ngritur Putini.

“Putini i informoi (ata) për gjendjen reale të punëve,” tha zyra e tij në një deklaratë. “Në veçanti, u cituan fakte të shumta të shkeljes flagrante të normave të së drejtës ndërkombëtare humanitare nga forcat ukrainase të sigurisë”, thuhet në deklaratë.