Macron më pak i preferuar për francezët në prag të presidencialeve

Botë | 5 vite më parë

Presidenti francez Emmanuel Macron po humbet terren kundër kandidateve rivale, Valérie Pécresse dhe Marine Le Pen, në raundin e parë të zgjedhjeve presidenciale, ndërsa në balotazh do të shkonte kokë më kokë me kandidaten republikane, sipas një sondazhi të institutit ”Elabe”.

Presidenti në largim sheh një rënie prej rreth tri pikësh, pas polemikës së fundit ”no vax”, dhe tani ndodhet në kuotën e 22,5-23 për qind.

Kandidatët e ekstremit të djathtë, Marine Le Pen, dhe republikania, Valérie Pécresse, gjenden në një barazim prej 17%, ndërsa Eric Zemmour në kuotën 13 për qind.

Në balotazh Macron nuk gëzon më siguri.

Në hipotezën e përballjes me Valérie Pécresse, gara do të ishte në nivelin 50-50 për qind./ANSA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.