Mali i Zi, dështon propozimi për shkarkimin e Dritan Abazoviç

Rajon | 5 vite më parë

Me kërkesë të kryeminitrit Zdravko Krivokapiç, këtë të enjte, Kuvendi i Malit të Zi u mblodh për shkarkimin e zëvendëskryeministrit Dritan Abazoviç, por shkarkimi i tij dështoi pasi deputetët nuk votuan pro rendit të ditës.

Sipas mediave vendase, për rendin e ditës votuan 77 deputetë, pro 20, kundër 11 dhe abstenuan 46.

Propozimin për shkarkimin e Dritan Abazoviqit e ka dorëzuar kryeministri Zdravko Krivokapiq. Ai propozoi për pasardhës ministrin aktual të Financave dhe Mirëqenies Sociale, Milojko Spajiq.

Kryeministri Zdravko Krivokapiq kërkoi shkarkimin e Abazoviqit, pasi koalicioni (GP URA dhe CIVIS) dhe deputetët e opozitës kërkuan një votë mosbesimi ndaj Qeverisë, të cilën deputetët do ta votojnë të premten.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.