Sot është zhvilluar ceremonia mortore në Cetinje të Malit të Zi, për qytetarët që humbën jetën, pasi një sulmi me armë zjarri nga një 34-vjeçar. Nga ky sulm dhjetë persona, përfshirë dy fëmijë, u vranë dy ditë më parë.

Familjet e viktimave, së bashku me zyrtarët më të lartë malazezë morën pjesë në këtë ceremonin për të bërë nderimet e fundit. Të pranishëm ishin edhe kryeministri dhe presidenti i Malit të Zi. Për këtë tragjedi, Mali i Zi shpalli tre ditë zie kombëtare. Në çdo fotografi të viktimave ishte vendosur një trëndafil i bardhë.

Nga hetimet policia thotë se autori i sulmit kohët e fundit kishte shfaqur një “ndryshim në sjellje”. Vuk Boriloviç përdori një armë gjuetie për të qëlluar fillimisht për vdekje dy fëmijë, 8 dhe 11 vjeç, dhe nënën e tyre.

Kjo e fundit jetonte si qiramarrëse në shtëpinë e tij në qytetin e Cetinjes. Më pas 34-vjeçari doli në rrugë dhe qëlloi pa shkak ndaj 13 persona të tjerë. Shtatë prej tyre humbën jetën. Personi i armatosur u qëllua për vdekje më vonë pas një përplasje me policinë.

/rtsh.al/