Masakër si në Bucha, gjenden mbi 200 civilë ukrainas të vdekur në Borodyanka

Botë | 5 vite më parë

Rusët duket se po bëjnë një masakër të vërtetë në Ukrainë, teksa provat për krime lufte nga ana e tyre sa vinë e shtohen. Pas pamjeve tronditëse në Bucha, ku shfaqeshin qindra civilë të vdekur nëpër rrugët e qytetit, të njëjtat pamje janë përsëritur dhe në në Borodyanka.

Autoritetet ukrainase kanë njoftuar se në qytetin periferik janë gjetur mbi 200 civilë të vdekur nën rrënoja. Edhe presidenti ukrainas, Volodymyr Zelensky, ka thënë se numri në këtë qytet, mund të jetë edhe më i madh se sa në Bucha.

Skenat në Bucha, me trupat e vdekur të civilëve të shtirë në rrugë, kanë ndezur reagime të shumta të vendeve perëndimore. Ministri i Jashtëm rus, Sergei Lavrov, i ka hedhur poshtë akuzat, duke i cilësuar pamjet si një inskenim dhe provokim ukrainas.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.