Një 39-vjeçar është vënë në pranga në Tiranë, pasi ka tentuar, përmes mashtrimit, të përvetësonte një makinë luksoze tëmarrë me qira. 39-vjeçari, shtats turk i identifikuar si Yucehan Er, banues në Gjermani, ka marrë me qira një automjet tip “Audi”, në Gjermani, të cilin e ka sjellë në Shqipëri dhe më pas ka bërë kallëzim të rremë se ja kanë vjedhur në afërsi të një hoteli në Tiranë.

Nga verifikimet e kryera ka rezultuar se ai ja ka dhënë automjetin shtetasit Elvis Kosova dhe ka bërë kallëzim të rremë për vjedhjen e tij, për qëllime përfitimi. Gjatë kontrollit në oborrin e një banese në fshatin Prush, u gjet i parkuar automjeti tip “Audi”.  

Policia vuri në pranga edhe Kosovën që mori automjetin, ndërsa është shpallur në kërkim pronari i banesës ku u gjet makina.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

/rtsh.al/