Presidenti i Italisë, Sergio Mattarella, ka bërë një thirrje të fortë për paqe globale gjatë hapjes zyrtare të sesionit të 145-të të Komitetit Olimpik Ndërkombëtar (IOC). Nga skena e teatrit legjendar “La Scala”, Kreu i Shtetit kërkoi që armëpushimi olimpik të respektohet në çdo zonë konflikti.

Në një kohë kur bota përballet me tensione gjeopolitike, Mattarella e cilësoi sportin si antidotin e luftës.

“Forca e paarmatosur e sportit i hesht armët,” deklaroi ai para anëtarëve të IOC. “Ne kërkojmë që armëpushimi të respektohet kudo. Sporti është e kundërta e një bote ku mbizotërojnë barrierat dhe mungesa e komunikimit.”

Sipas Presidentit, dhuna shkel dinjitetin njerëzor dhe sjell vetëm errësirë, ndërsa Lojërat Olimpike (referuar “Milan-Cortina 2026”) duhet të shërbejnë si një mesazh shprese dhe vëllazërie.

Ceremonia në “La Scala”

Pas fjalës hapëse, ceremonia mori nuanca artistike. Orkestra e teatrit, nën drejtimin e maestros Riccardo Chailly dhe me pjesëmarrjen e baritonit Luca Salsi, ekzekutoi një program koncertor të dedikuar kolosëve të muzikës italiane, Rossini dhe Verdi.

Kjo mbledhje e rëndësishme e IOC në Milano i paraprin nisjes së Lojërave Olimpike Dimërore, duke e vendosur Italinë në qendër të vëmendjes botërore.

/rtsh.al/