Mbahet sot takimi i pestë për dinarin, Kosova dhe Serbia bisedime në Bruksel

Rajon | 3 vite më parë

Kryenegociatorët e Kosovës dhe Serbisë, Besnik Bislimi dhe Petar Petkoviq pritet të zhvillojnë këtë të enjte (25 prill) takimin e radhës në Bruksel me ndërmjetësimin e emisarit të BE-së, Miroslav Lajçak.

Raundi i fundit i bisedimeve u zhvillua më 18 prill dhe përfundoi pa sukses.

Ditën e sotme mbahet takimi i pestë për të diskutuar rregulloren e Bankës Qendrore të Kosovës, e cila nga 1 shkurti ka ndaluar përdorimin e dinarit serb në territorin e saj.

Bashkimi Europian pret nga palët që të arrijnë një marrëveshje. I dërguari i Bashkimit Evropian, Miroslav Lajçak në takimin e fundit të kryenegociatorëve propozoi një zgjidhje të përkohshme për çështjen e dinarit, i cili u pranua nga pala kosovare, por u refuzua nga Serbia.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.