Mbetën të bllokuar duke eksploruar malet e Përmetit, shpëtohen 5 turistë francezë

Aktualitet | 2 vite më parë

Eksplorimi në këmbë i zonave malore të Përmetit ka bërë që 5 turistë nga Franca të mbeten të bllokuar në një luginë. Pas kërkimit të ndihmës ata janë shpëtuar nga punonjësit e policisë, ndërsa një nga turistet kishte dëmtuar këmbën duke e pasur të pamundur lëvizjen.

Sipas policisë “teksa turistët po eksploronin me këmbë zonën, kanë mbetur të bllokuar në një luginë (përua), ku njëra prej tyre ishte rrëzuar dhe kishte dëmtuar gjymtyrë dhe nuk mund të vijonte rrugën në këmbë.”

Kjo ka bërë që ajo të transportohet me helikopter drejt Tiranë , ku po merr mjekimin e nevojshëm shëndetësor.

Turistët e tjera janë shoqëruar në hotelin e tyre dhe ndodhen në gjendje të mirë shëndetësore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.