Mbrojtësi shqiptar debuton me Arsenalin

Angli | 2 vite më parë

Mbrojtësi shqiptar, Maldini Kacurri, ka debutuar me ekipin e parë të Arsenalit mbrëmjen e djeshme. 18-vjeçari u aktivizua në Carabao Cup, në ndeshjen që Arsenali luajti ndaj Boltonit. Kacurri zëvendësoi Calafiorin në minutën e 70 të sfidës që Arsenali fitoi me rezultatin 5-1.

Talenti shqiptar është pjesë e të rinjve të Arsenalit, por për shkak të mungesave të shumta, Mikel Arteta e mori në ekipin e parë.

Pas disa ndeshjeve në stol, mbrojtësi shqiptar bëri dje debutimin me ekipin e parë të “topçinjve”. Një moment i veçantë për Kacurrin, që synon që të zërë një vend stabël në formacionin e Arsenalit.

Ai numëron 5 ndeshje me Kombëtaren U-19 të Shqipërisë dhe 2 ndeshje me Kombëtaren U-17. Hera e fundit kur Kacurri ka qenë i grumbulluar me Kombëtaren U-19 ka qenë 17 tetori i vitit 2023.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.