Mbrojtja dhe siguria, Ministrat e Jashtëm të rajonit dhe BE-së takim jozyrtar në Luksemburg

Politikë | 2 vite më parë

Ministrat e Punëve të Jashtme të Ballkanit Perëndimor dhe Bashkimit Evropian do të zhvillojnë këtë të hënë (24 qershor) një takim jozyrtar, në Luksemburg.

Gjatë takimit do të shkëmbehen mendime për Ballkanin Perëndimor, me pjesëmarrjen e ministrave të Punëve të Jashtme të Serbisë, Shqipërisë, Bosnjë-Hercegovinës, Maqedonisë së Veriut, Malit të Zi dhe Kosovës.

Takimi do të ketë në fokus bashkëpunimin dhe sfidat në politikën e jashtme dhe të sigurisë dhe integrimin gradual të vendeve të rajonit kur bëhet fjalë për respektimin e politikës së përbashkët të jashtme dhe të sigurisë të BE-së.

Ministrat e Jashtëm të rajonit do të kenë gjithashtu edhe takime bilaterale me zyrtarë të BE-së e disa shteteve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.