Vendvotimet u mbyllën të dielën në zgjedhjet e përgjithshme parlamentare, që mund ta çojnë Spanjën, anëtarin më të fundit të Bashkimit Evropian, që kalon politikisht djathtas.

Kryeministri Pedro Sánchez po përpiqet të fitojë zgjedhjet e treta radhazi kombëtare që nga marrja e pushtetit në vitin 2018. Por socialistët e tij dhe partia tjetër e koalicionin të majtë u mundën në zgjedhjet rajonale dhe lokale në maj.

Partia kryesore konservatore Popullore, e cila udhëhoqi shumicën e sondazheve gjatë fushatës, shpreson se fitorja e saj e parë kombëtare që nga viti 2016 mund ta lejojë kandidatin Alberto Núñez Feijóo, të rrëzojë Sánchez. Por ai mund të ketë nevojë për ndihmën e ekstremit të djathtë Vox për ta bërë këtë.

Një koalicion i tillë do të kthente një forcë të ekstremit të djathtë në qeverinë spanjolle për herë të parë që kur vendi kaloi në demokraci në fund të viteve 1970, pas sundimit gati 40-vjeçar të diktatorit, Francisco Franko.

Votuesit u përballën me temperaturat e larta të verës për të hedhur votat në zgjedhjet për 350 anëtarë të dhomës së ulët të Parlamentit. Rezultatet e zgjedhjeve pritet të dalin para mesnatës.

Një qeveri PP-Vox do të nënkuptonte se një tjetër anëtar i BE-së që ka lëvizur fort djathtas, një trend ky i parë së fundmi edhe në Suedi, Finlandë dhe Itali. 

Vende të tilla si Gjermania dhe Franca janë të shqetësuara për një ndryshim të tillë pasi do të rëndonte politikat e BE-së për imigracionin dhe klimën.

Dy partitë kryesore të majta të Spanjës janë pro pjesëmarrjes së BE-së. Nga të djathtët, edhe PP është në favor të BE-së. Vox, i kryesuar nga Santiago Abascal, është kundër ndërhyrjes së BE-së në punët e Spanjës. Apnews

/rtsh.al/