Më shumë se 2 100 banorë të Mariupolit janë vrarë nga sulmet e ushtrisë ruse

Botë | 5 vite më parë

Në qytetin e rrethuar juglindor të Mariupolit – i cili ka qenë nën bombardime pa shërbime dhe furnizime thelbësore për gati dy javë, këshilli i qytetit thotë se 2187 banorë deri tani janë konfirmuar se janë vrarë.

Zyrtarët lokalë thanë se kishte pasur të paktën 22 sulme ruse në qytet gjatë ditës së kaluar.

“Njerëzit janë në një situatë të vështirë prej 12 ditësh. Nuk ka energji elektrike, ujë dhe ngrohje në qytet. Nuk ka pothuajse asnjë komunikim celular. Rezervat e fundit të ushqimit dhe ujit po mbarojnë”, thuhet në një deklaratë.

Forcat ruse kanë kapur periferinë lindore të qytetit, rapoton BBC,

Fotot e fundit satelitore tregojnë dëme të mëdha në infrastrukturën rezidenciale dhe civile.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.