Merz: Nuk jam i bindur se SHBA dhe Izraeli do të arrijnë ndryshimin e regjimit në Iran

Botë | 7 muaj më parë

Kancelari gjerman Friedrich Merz ka shprehur dyshime mbi suksesin e qëllimit të SHBA-së dhe Izraelit për ndryshimin e regjimit në Iran.

“Thjesht nuk jam i bindur se ajo që po ndodh tani, ajo që po bëjnë SHBA-të dhe Izraeli, do të çojë në sukses. Një muaj më vonë, nuk kemi shenja të deeskalimit”, tha Merz gjatë një konference të organizuar nga Frankfurter Allgemeine Zeitung.

Ai ngriti pikëpyetje mbi vetë objektivin e kësaj qasjeje. “A është ndryshimi i regjimit vërtet qëllimi? Nëse ky është qëllimi, nuk mendoj se do ta arrijnë. Shumicën e kohës, këto përfundojnë keq”, shtoi kancelari, duke iu referuar luftës në Afganistan.

Megjithatë, Merz theksoi se Gjermania është e gatshme të kontribuojë në një operacion për të garantuar lirinë e lundrimit në Ngushticën e Hormuzit, por vetëm pas përfundimit të konfliktit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.