Një kthim që bën zhurmë, edhe nëse është thjesht një darkë. Lionel Messi është shfaqur në Barcelonë, në një takim me Xavi, kapitenin e katalanasve, Sergio Busquets dhe Jordi Alba. Ylli argjentinas i Paris Saint Germain bëri aq shumë zhurmë, saqë sapo u përhap lajmi për praninë e tij, mediat spanjolle u përpoqën menjëherë ta afronin për t’i rrëmbyer lojtarit ndonjë imazh apo deklaratë.

Siç shpjegojnë Mundo Deportivo dhe Marca, ishte një darkë e planifikuar, por e cila, siç ishte e pashmangshme, shkaktoi shumë lloje të ndryshme thashetheme për një rikthim të mundshëm në fanellën e katalanasve. Nga sa mësohet, megjithatë, darka ishte vetëm një mirësjellje. Një takim mes tre miqve. Në fakt, i pranishëm ishte edhe Pepe Costa, punonjës i klubit të Barçës.

Në fund të mbrëmjes, Messi nuk ka dashur të bëjë asnjë deklaratë për gazetarët që ndodheshin në derën e restorantit por është ndalur për të firmosur fanellën e një tifozi të Barcelonës.