Presidenti i Republikës, Ilir Meta ka uruar Presidenten e Parlamentit Europian, Roberta Metsola për zgjedhjen në këtë detyrë. Përmes një postimi në rrjetet sociale zoti Meta shprehet se mirëpret bashkëpunimin e ngushtë në procesin e integrimit europian të Shqipërisë, me shpresën për çeljen sa më parë të negociatave të anëtarësimit. “Urime të përzemërta Roberta Metsola për zgjedhjen si Presidente e Parlamentit Europian! Mirëpres bashkëpunimin e ngushtë në procesin e integrimit europian të Shqipërisë, me shpresën për çeljen sa më parë të negociatave të anëtarësimit. Jam besimplotë për vendosmërinë e saj në mbrojtje të vlerave europiane dhe forcimit të demokracisë, përfshirë dhe në të gjitha vendet e zgjerimit.” shkruan në urim presidenti Meta.

Roberta Metsola pason në detyrë Italianin David Sassoli, i cili ndërroi jetë javën e shkuar pak para se t’i përfundonte mandati.