Mikrofinanca/ Totali i aktiveve u rrit me 22% në fund të shtatorit

Ekonomi | 6 vite më parë

68% e kërkesave në regjistrin e kredisë, që administrohet nga Banka e Shqipërisë, vijnë nga institucionet e mikrofinancës.

Ndonëse në volume ato zënë një pjesë të vogël të kredisë për ekonominë (jo më shumë se 5%), ato i shërbejnë një numri të madh klientësh, që shënon shifrën e mbi 200 mijë qytetarëve.

Banka e Shqipërisë bën të ditur se, moratoriumi i kredive, i vendosur në muajin mars, çoi në shtyrjen e kredive që përbënin rreth një të tretën e volumit total. Numri i kredive të shtyra arriti në më shumë se 39 mijë, ndërsa vlera e tyre, në afërsisht 76 milionë euro.

Ndërsa totali i aktiveve të këtyre institucioneve në fund të muajit shtator u rrit me 22% krahasuar me një vit më parë. Rreth 70% e kapitalit aksioner të këtyre subjekteve është kapital vendas. ( ATSH)

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.