Ministri Balla: Policia e Shtetit në bashkëpunim me qytetarët për ankesat, vetëm kështu rritet besimi tek policia

Aktualitet | 2 vite më parë

Ministri i Brendshëm, Taulant Balla në një postim në rrjetin e tij social Facebook është shprehur se Policia e Shtetit duhet ta forcojë bashkëpunimin me qytetarët, të trajtojë me kujdes ankesat e tyre, sepse vetëm kështu rritet besimi i tyre tek policia. Balla theksoi gjithashtu se shkelësit e ligjit do të ndëshkohen fal denoncimeve apo ankesave të qytetarëve.

“Denoncimet apo ankesat e qytetarëve, në çdo formë, janë gjithmonë të mirëpritura. Policia e Shtetit duhet ta forcojë bashkëpunimin me qytetarët, t’i trajtojë me kujdes ankesat e tyre, sepse vetëm kështu rritet besimi i tyre tek policia. Rasti i denoncimit nga një pushues i një mjeti që kishte hyrë në një plazh me pushues, çoi në identifikimin e shkelësit dhe ndëshkimin e tij sipas parashikimeve maksimale të Kodit Rrugor”, shkruan Balla.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.