Misioni i IAEA nis sot inspektimin në termocentralin bërthamor të Zaporizhzhia

Botë | 4 vite më parë

Misioni i IAEA-s nis sot inspektimin në centralin bërthamor të Zaporizhzhia. Ministri i Jashtëm ukrainas Dmytro Kuleba ka deklaruar se Ukraina pret që delegacioni i IAEA të “paraqesë faktet” në lidhje me shkeljen e të gjitha protokolleve të sigurisë bërthamore, duke shtuar se Rusia vë në rrezik jo vetëm Ukrainën, por të gjithë botën nga një aksident bërthamor.

Një ekip ekspertësh të monitorimit bërthamor të OKB-së u nis në Kiev më 29 gusht dhe sot do të nisin monitorimin e termocentralit bërthamor Zaporizhzhia. Lajmi u bë me dije nga Drejtori i IAEA Rafael Grossi i cili njoftoi se një ekip ekspertësh, të cilin ai personalisht e drejton, mbërriti në Kiev të hënën në mbrëmje. Centrali bërthamor është pushtuar nga trupat pushtuese ruse që nga muaji mars, ndërsa lufta e Rusisë në Ukrainë nisi në shkurt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.