Miss Shqipëria 2024, nis turi për promovimin e vlerave kulturore-turistike shqiptare

Kulturë | 2 vite më parë

Edicioni i 26-të i Miss Shqipëria ka hyrë në fazën finale.

Pas provave të vazhdueshme në ambientet e RTSH-së prej përfundimit të audicioneve, bukuroshet e Miss Shqipëria 2024 nisën zyrtarisht turin në kuadër të promovimit të vlerave historike, kulturore dhe turistike të Shqipërisë, traditë kjo e ndjekur prej 26 vitesh nga eventi më jetëgjatë dhe më i madh i bukurisë shqiptare.

Itinerari i bukurosheve shqiptare ka nisur nga Riviera e Jugut, ku do të vizitojnë Vlorën, Dhërmiun, Himarën, Lukovën, Sarandën, Butrintin, Ksamilin, më pas në Tepelenë e Gjirokastër.

Më pas do të kthehen në Shqipërinë e Mesme, në Golem ku do të jetë edhe faza përmbyllëse e rrugës drejt finales e cila do të mbahet në Kalanë e Ulqinit me 7 qershor.

Finalja e madhe do të transmetohet drejtpërdrejt në RTSH.

Gazetare: Katerina Kule

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.