Mot i paqëndrueshëm në Vlorë, nesër pezullim lundrimi për pesharexhat e mjetet e vogla

Aktualitet | 2 vite më parë

Qarku i Vlorës është përfshirë nga kushte të paqëndrueshme moti. Era ka sjellë në det dallgëzim 3-4 ballë.

Në këtë kuadër, kapiteneria e Portit të Vlorës ka këshilluar përdoruesit e mjeteve lundruese të jenë të kujdesshëm me daljet në det, në veçanti mjetet e vogla.

Sipas kapitenerisë, nuk ka pezullime të detyrueshëm të udhëtimeve për ditën e sotme, por kanë kërkuar marrjen e masave dhe kujdesin personal.

Për ditën e mërkurë (3 korrik) do të ketë pezullim lundrimi për mjetet e vogla dhe peshkarexhat.

Kushtet e motit ndërkohë, nuk i kanë trembur turistët të cilët pavarësisht erës dhe rërës në ajër vijojnë të bëjnë plazh.

Nga ana tjetër era në qytet ka ngritur në gjendje alarmi emergjencat civile dhe zjarrfikëset të cilët janë në gjendje gatishmërie në rast të situatave të situatave të zjarrit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.