Mungon vetëm zyrtarizimi, Ernest Gjoka largohet nga Shkupi

Futboll Vendi | 2 vite më parë

Duket se humbja 2-0 përballë Gostivarit ka rezultuar fatale për trajnerin Ernest Gjoka. Mediat nga Maqedonia e Veriut raportojnë se trajneri shqiptar ka mbyllur para kohe aventurën e tij në krye të Shkupit.

Duket se drejtuesit e klubit nuk e kanë kapërdirë lehtë këtë humbje si dhe startin jo të mirë në kampionat (1 pikë në 2 ndeshje) dhe kanë vendosur që të mbyllin bashkëpunimin me trajnerin Gjoka.

Pritet që drejtimin e skuadrës së Shkupit për ndeshjen e radhës kundër Vardarit ta marrë një trajner turk. Ndonëse mungon zyrtarizimi nga ana e klubit, duket se aventura e Gjokës në krye të Shkupit ka përfunduar.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.