Ndërhyrje në lumin Devoll, punime në kolektorin e Sovjanit për mbrojtjen e tokave bujqësore

Aktualitet | 7 muaj më parë

Drejtoria Rajonale e Ujitje-Kullimit ka nisur punën për pastrimin e lumit Devoll në territorin e bashkisë Maliq, pas problematikave të shfaqura gjatë dimrit nga reshjet e shumta.

Aktualisht po ndërhyhet në kolektorin kullues të Sovjanit, ku po kryhen punime për zgjerim, thellim dhe pastrim në një gjatësi prej 3 kilometrash.

Ky kolektor shërben për kullimin e rreth 3900 hektarëve tokë bujqësore në fushën e Maliqit.

Ndërhyrjet pritet të përmirësojnë ndjeshëm sistemin kullues dhe të ulin rrezikun e përmbytjeve, duke garantuar më shumë siguri për fermerët dhe prodhimin bujqësor në zonë.

Gazetare Eftjola Fili

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.