Ndryshimet në qeveri, Kuvendi miraton në seancë të posaçme dekretet e Presidentit! Balluku emërohet zv. Kryeministre

Politikë | 4 vite më parë

Në një seancë të jashtëzakonshme, Kuvendi ka miratuar sot dekretet e Presidentit Bajram Begaj për ndryshimet në qeveri. Me 76 vota pro dhe 32 kundër, Belinda Balluku është emëruar si Zv. Kryeministre , ndërsa po ashtu është emëruar me 76 vota pro Majlinda Dhuka si ministre shteti për Integrimin, e cila njëherazido të jetë edhe kryenegociatore e Shqipërisë gjatë procesit të anëtarësimit në BE.

Gjatë seancës, kreu i grupit parlamentar të PD-së, Enkelejd Alibeaj, si dhe deputeti Sali Berisha, kanë kërkuar që të hapet debati për ndryshimet në qeveri.

“Është një vendim i cili merret në kuadrin e monizmit të plotë të vendosur nga mazhoranca e drogës dhe e krimit. Në këtë rast dua t’i them Edi Ramës se çdo lloj xhakete që të veshësh e zhveshësh, asgjë nuk të heq qyrkun e vjedhësit”, tha Berisha.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.