Në kërkim nga Kosova për trafik personash, 47-vjeçari arrestohet në Durrës

Aktualitet | 2 vite më parë

Dodë Rica, 47 vjeç, pronar i disa klubeve të natës në Shqipëri dhe Kosovë është arrestuar në lagjen 13 në Durrës, pasi kërkohej nga autoritetet e Kosovës.

Gjykata Themelore e Prishtinës i ka caktuar 47- vjeçarit, masën e sigurisë “Arrest në burg”, për veprën penale “Trafikim personash”.

47 vjeç, i lindur në Mirditë është ndaluar si rezultat i informacioneve të siguruara nga inteligjenca policore dhe të shkëmbyera ndërmjet Interpol Tiranës dhe agjencive ligjzbatuese në Kosovë, Forca e Posaçme Operacionale dhe Seksioni kundër Trafiqeve.

Policia ka bërë të ditur që Interpol Tirana po bashkëpunon me agjencitë ligjzbatuese në Kosovë, për të finalizuar ekstradimin e shtetasit Dodë Ricës.

Gazetare: Lusi Përgjegji

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.