Në kërkim nga SPAK, arrestohet 51-vjeçari në Elbasan. Korruptoi dy punonjës të IMT për të ndërtuar pa leje

Aktualitet | 2 vite më parë

Një person është arrestuar pasi ishte shpallur në kërkim nga SPAK për korrupsion për shkak të detyrës.

Në pranga përfundoi 51-vjeçari G.B., në Elbasan, pasi akuzohet se në prill 2024, ka bashkëpunuar me dy punonjës të IMT Elbasan duke u dhënë ryshfet që të mund të ndërtonte një objekt pa leje.

51-vjeçari u zbulua gjatë aksionit “Deceit “, ku pas marrjes së informacioneve për vendndodhjen e tij, u vu në pranga nga reparti i “Shqiponjave” në Elbasan.

Më 29 gusht 2024, SPAK ka urdhëruar ndalimin e tij për veprën penale “Korrupsioni aktiv i personave që ushtrojnë funksione publike”.

Materialet i kaluan Prokurorisë së Posaçme Kundër Korrupsionit dhe Krimit të organizuar, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.