Në pranga 3 shqiptarë nga Kosova, u shisnin tritol dhe armë grupeve kriminale në Shqipëri

Aktualitet | 3 vite më parë

Një grup kriminal nga Kosova, i cili trafikonte armë dhe lëndë eksplozive në vendin tonë, është goditur nga policia. Në pranga u vunë 3 persona dhe u shpallën në kërkim 2 të tjerë, banues në Kosovë. Shkatërrimi i grupit erdhi pas hetimeve 4 mujore të policisë.

3 personat nga Kosova Rigon Maliqi, 20 vjeç, Lion Pira, 25 vjeç dhe Shkëlqim Halabaku, 27 vjeç, u arrestuan në afërsi të urës së Gjolës në Krujë gjatë operacionit të koduar “The Same”.

Shqiptarëve nga Kosova iu sekuestruan edhe 203 kallëpe me lëndë plasëse të dyshuar tritol TNT, me peshë 46 kg.

Sipas policisë “kjo sasi ishte destinuar për t’u përdorur nga grupe kriminale të ndryshme, në territorin e Republikës së Shqipërisë”.

Në kuadër të këtij procedimi janë sekuestruar edhe 3 celularë dhe 1 automjet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.