Një aventurë e re për Arian Bellain, trajneri merr drejtimin

Futboll Vendi | 2 vite më parë

Pasi arriti që të rikthente Bylisin në elitën e futbollit shqiptar, një tjetër “mision Superiore” ka marrë Arian Bellai.

Trajneri i njohur është larguar nga skuadra mallakastriotë për të nisur një aventurë të re në Kategorinë e Parë, kësaj radhe në krye të Vorës. Me anë të një postimi në faqen zyrtare, klubi i Vorës njofton se skuadra për sezonin e ri i është besuar Bellait.

“Futboll Klub Vora njofton se Arian Bellai është zyrtarisht trajneri i ri i skuadrës! Tekniku nga Gjirokastra vjen te ekipi ynë pas një aventure 2-vjeçare tek ekipi i Bylis! Arian Bellai ka firmosur sot kontratën me ekipin tonë. Klubi i Vorës i uron Arianit suksese dhe punë të mbarë”, shkruhet në njoftimin e klubit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.