Një tërmet me magnitudë 6.2 ballë godet Japoninë, nuk ka kërcënim për cunami

Botë | 7 muaj më parë

Një tërmet me magnitudë 6.2 të shkallës Rihter goditi sot, më 26 mars, Japoninë. Sipas Qendrës Gjermane për Kërkime Gjeoshkencore (GFZ), lëkundjet u regjistruan në bregun lindor të ishullit më të madh të vendit, Honshu, me një thellësi fokale prej 10 kilometrash.

Raportimet e para tregojnë se tërmeti u ndje gjerësisht në zonën e prekur, por autoritetet japoneze nuk kanë lëshuar paralajmërime për cunami.

“Situata po monitorohet nga afër,” shkruan Japan News, duke theksuar se strukturat e emergjencës janë në gatishmëri.

Deri më tani nuk ka njoftime për viktima apo dëme të mëdha materiale, ndërsa autoritetet pritet të japin informacione të tjera në orët në vijim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.