Njohja e patentave shqiptare në Itali në fuqi prej 12 korrikut, Ambasada: Po zgjidhim disa probleme teknike!

Sociale | 5 vite më parë

Ambasada e Italisë në Tiranë reagoi të shtunën në lidhje me çështjen e njohjes së patentave shqiptare në vendin fqinj, shkruan ATSH.

Në reagimin e saj Ambasada shprehet se po kryhen verifikime për të zgjidhur disa probleme teknike.

“Lidhur me Marrëveshjen mbi patentat, e cila ka hyrë në fuqi më 12 korrik, ju informojmë se janë duke u kryer verifikime për të zgjidhur disa probleme teknike për të bërë të mundur që të interesuarit të mund të paraqesin sa më shpejt kërkesë për konvertimin e patentave të tyre”, – thekson Ambasada italiane.

Sipas marrëveshjes shqiptarët mund të udhëtojnë pa probleme drejt Italisë me patentat që marrin në Shqipëri dhe nuk kanë nevojë për konvertim në shtetin fqinj përtej Adriatikut.

Marrëveshja është në fuqi për 5 vite, ndërsa më pas palët do të rikthehen për rinovim.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.