Noka i heq mikrofonin Nasip Naços, përplaset me gardistin. Nikolla: Do shtoj masat ndaj teje

Politikë | 2 vite më parë

Deputetët e Rithemelimit nuk kanë lejuar që Kuvendi të mbajë një seancë të rregullt duke bërë zhurmë dhe bllokuar foltoren duke mos lejuar dëgjimin e fjalëve të deputetëve të mazhorancës.

Teksa në Kuvend po diskutohej për pagesat e punonjësve dhe ish punonjësve të Poliçanit nga relatori Nasip Naço, deputeti Flamur Noka i përjashtuar nga seanca e Kuvendit ka hyrë dhe i ka marrë mikrofonin duke i thënë “Mos fol më Nasip, jeni parlament i narkoshtetit”.

Deputeti Noka është përplasur edhe me gardistin i cili ka tentuar ta largojë nga salla e Kuvendit pasi ishte pwrjashtuar.

Këto veprime kanë bërë që kryeparlamentarja Lindita Nikolla të marrë masa më të ashpra ndaj Nokës.

“Largohu nga salla je i përjashtuar. Do marrë masa shtesë, Sekretariati i Etikës do mblidhet për rastin”, tha Nikolla.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.