Nxitja e dialogut dhe forcimi i rolit të Këshillit, Hasani takon Komisionerin e Lartë për të Drejtat e Njeriut

Politikë | 3 vite më parë

Ministri i Jashtëm Igli Hasani është takuar me Komisionerin e Lartë për të Drejtat e Njeriut, Voklet Turk.

Nga ana e tij, Hasani ka vënë theksin te mbështetja e palëkundur e Shqipërisë për mandatin e Turk dhe ka përgëzuar përpjekjet në avancimin e të drejtave të njeriut.

Gjetja e zgjidhjeve të qëndrueshme, nxitja e dialogut, si dhe forcimi i rolit të Këshillit, ishin disa ndër temat e diskutuara gjatë takimit mes dyshes.

“Kënaqësi të takoja Komisionerin e Lartë për të Drejtat e Njeriut, Volker Türk. Ritheksova mbështetjen e palëkundur të Shqipërisë për mandatin e tij dhe përgëzova përpjekjet në avancimin e të drejtave të njeriut.

Si anëtarë të Këshillit, ne presim të bashkëpunojmë për gjetjen e zgjidhjeve të qëndrueshme, nxitjen e dialogut, si dhe forcimin e rolit të Këshillit”, shkruan Hasani në rrjetin social Facebook.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.