OBSH shpall emergjencën globale shëndetësore, BE miraton vaksinën kundër lisë së majmunëve

Botë | 4 vite më parë

Kompania daneze e bioteknologjisë Bavarian Nordic (BAVA.CO) tha të hënën se Komisioni Evropian kishte dhënë leje që vaksina e saj Imvanex të tregtohet si mbrojtje kundër lisë së majmunëve, siç u rekomandua javën e kaluar nga Agjencia Evropiane e Barnave (EMA).

Miratimi vjen vetëm një ditë pasi Organizata Botërore e Shëndetësisë lëshoi një alarm të nivelit të lartë duke shpallur shpërthimin e shpejtë të lisë së majmunëve si një emergjencë globale shëndetësore.

Vaksina e kompanisë daneze është e vetmja që ka fituar miratimin për parandalimin e sëmundjes së lisë së majmunit në Shtetet e Bashkuara dhe Kanada dhe tani u pranua edhe në BE.

Miratimi është i vlefshëm në të gjitha shtetet anëtare të Bashkimit Evropian, si dhe në Islandë, Lihtenshtajn dhe Norvegji.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.