OKB: Lufta në Ukrainë mund të sjellë një valë të paprecedentë urie dhe mjerimi në mbarë botën

Botë | 4 vite më parë

OKB paralajmëroi sot se lufta në Ukrainë, si pasojë e pushtimit rus, mund të sjellë një valë të paprecedentë urie dhe mjerimi në mbarë botën. Shefi i OKB-së, Antonio Guterres, deklaroi se kriza rrezikon të prekë 1.6 miliardë njerëz.

“Ndikimi i luftës në sigurinë ushqimore, energjinë dhe financat, është i rëndë”, deklaroi sekretari i Përgjithshëm i OKB-së.

Sipas tij, lufta kërcënon të lëshojë një valë të paprecedentë urie dhe mjerimi, duke lënë kaos social dhe ekonomik pas saj.

“Kriza e këtij viti duket se ka të bëjë me mungesën e aksesit në ushqim. Kriza e vitit të ardhshëm mund të jetë për mungesën e vetë ushqimit”, paralajmëroi ai.

“Ka vetëm një mënyrë për të ndaluar këtë stuhi grumbulluese. Pushtimi rus i Ukrainës duhet të përfundojë”, deklaroi kreu i OKB-së.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.