Olaf Scholz prezanton ekipin e ministrave të SPD-së

Botë | 5 vite më parë

Kancelari i ardhshëm gjerman, Olaf Scholz, prezantoi ministrat socialdemokratë të qeverisë së ardhshme në Berlin. Karl Lauterbach, ekspert për shëndetin i partisë dhe fytyrë e njohur e pandemisë në Gjermani, do të jetë Ministër i Shëndetësisë. Hubertus Heil, konfirmohet ministër i Punës, ministre e Mbrojtjes do të jetë Christine Lambrecht, ish-ministre e Drejtësisë dhe më pas e Familjes. Ministre e Brendshme do të jetë Nancy Faeser.

Qeveria e ardhshme do të ketë edhe një ministri të re ndërtimi, për të cilën është propozuar Klara Geywitz.

Svenja Schulze, nga ana tjetër, do të jetë Ministre e Bashkëpunimit për Zhvillim, kurse Wolfgang Schmidt do të ketë delegacionin e brendshëm të Kancelarisë.

Olaf Scholz pritet të marrë detyrën më 17 dhjetor. Ai ka premtuar të rrisë pagën minimale, të shtrëngojë kontrollet e qirave dhe të ruajë të larta investimet publike në një infrastrukturë më të gjelbër e digjitale./A2

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.