Operacionet antikanabis, Balla: Shqiptarët presin një territor të pastër nga kultivimi i paligjshëm i narkotikëve

Aktualitet | 2 vite më parë

Policia e Shtetit po vijon intesivisht luftën kundër kultivimit, trafikimit dhe shpërndarjes së lëndëve narkotike.

Ministri i Brendshëm, Taulant Balla, ka komentuar në rrjetet sociale operacionet e fundit policore, të shtrira përmes kontrolleve, në mbarë vendin.

“Shqiptarët presin një #territoripastër nga kultivimi i paligjshëm i bimëve narkotike. E përgëzoj Policinë e Shtetit, e cila përmes Forcës Kombëtare të Sigurisë dhe Drejtorive Vendore po kontrollon të gjithë territorin e vendit për parandalimin e këtij fenomeni”, citohet Balla.

Më tej, ministri veçon operacionet në Shkodër e Krujë.

“Përgëzime Policisë së Shtetit në Shkodër dhe Krujë për gjetjen dhe asgjësimin sot të mbi 7 mijë bimëve kanabis dhe përballjen me drejtësinë të autorit të përfshirë në këtë aktivitet kriminal“, nënvizon Ministri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.