Orkestra Simfonike e RTSH mbyll stinën koncertore me një dedikim për Nikolla Zoraqin

Muzikë | 2 vite më parë

Orkestra Simfonike e RTSH-së mbylli të premten (12 korrik) stinën koncertore me një koncert të paharrueshëm.

Instrumentistët interpretuan veprat e kompozitorit të madh shqiptar, Nikolla Zoraqi, një nderim i veçantë për 95-vjetorin e lindjes së tij.

Koncerti u mbajt nën drejtimin e dirigjentit të mirënjohur Zhani Ciko dhe me interpretimet mjeshtërore të solistëve të shumtë.

Violinisti Tedi Papavrami, klarinetisti Fatos Qerimaj, sopranoja Adelina Paloja, flautistja Jonela Golemi dhe violinistja Suela Piciri magjepsën publikun me tingujt e bukur.

Koncerti u mbajt te salla e koncerteve në “Teatrin Kombëtar të Operës dhe Baletit”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.