OSBE- KQZ hapin konkursin për të zgjedhur sloganin ndërgjegjësuese për fushatën

Politikë | 2 vite më parë

Prezenca e OSBE-së dhe Komisioni Qendror i Zgjedhjeve hapin, të hënën, një konkurs për të rinj për të zgjedhur sloganin, grafikën dhe videon e shkurtër më të mirë për fushatën e ndërgjegjësimit të KQZ-së për zgjedhjet e vitit të ardhshëm.

Përmes konkursit, Prezenca e OSBE-së dhe KQZ-ja synojnë rritjen e pjesëmarrjes së të rinjve në zgjedhje dhe krijimin e një platforme ku ata të ndajnë zërat dhe idetë e tyre për një demokraci më të fortë dhe më gjithëpërfshirëse.

Kjo është veprimtaria e parë e një sërë veprimtarish që Prezenca e OSBE-së do të organizojë këtë javë, nën titullin “Java e Demokracisë”, me rastin e 15 Shtatorit, Ditës Ndërkombëtare të Demokracisë. Në të do të flasin Komisioneri Shtetëror i Zgjedhjeve, Ilirjan Celibashi dhe Kryetari i Prezencës, ambasadori Michel Tarran.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.