Ish presidenti Ilir Meta, aktualisht Kryetari i Partisë së Lirisë në opozitë, në një konferencë për mediet ka bërë të ditur se partia e tij do të propozojë një amendament në ligjin e pensioneve për një ndryshim të llogaritjes së indeksimit të masës së pensioneve. Ky indeksim do të bëhet duke ju referuar rritjes e çmimeve të artikujve ushqimorë. “PL do t’i kërkojë Gjykatës Kushtetuese të gjykojë mbi shkeljen e ligjit të pensioneve nga Qeveria për mos indeksimin e masës së pensioneve në përputhje me ligjin përkatës” tha Meta.

Zoti Meta tha se “Partia e Lirisë dhe grupi i saj i ekspertëve të shëndetit ka propozuar, mbulimin e plotë financiar të të gjithë barnave, që përdoren nga pensionistët dhe të përshkruara me recetë mjekësore. Mbulimin e të gjitha shërbimeve mjekësore dhe të infermierisë në banesë për të gjithë pensionistët me probleme shëndetësore”.

/ rtsh.al /