Pas 30-vitesh fshati Shebë në Mirditë del nga izolimi, banorët rikthehen në vendlindje

Sociale | 4 vite më parë

Prej afro 30 vitesh banorët e fshatit Shebë në Mirditë thuajse të izoluar, tashmë i gëzohen investimeve, konkretisht rrugës prej 7 km dhe ndërtimin e urave. Banorët janë rikthyer në vendlindje, duke dhënë gjallëri dhe fshatit të tyre.

Rehabilitimi i rrugës është kthyer në festë per banorët, pasi një pjesë e madhe e tyre ishin larguar nga mungesa e infrastrukturës rrugore.

Kreu i bashkisë së Rrëshenit Ndrec Deda premtoj për të tjera investime infrastrukturore për zonën e malësisë të harruar prej shumë vitesh.

Fshati piktoresk mes malesh ka dhe histori të lavdishme, këtë e tregojnë dhe dokumentet por dhe banorët vendas të cilët të entuziasmuar në rikthimin në vendlindje shprehen optimistë për zhvillimin e fshatit të tyre.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.