Pasioni për rrobaqepsinë, ish mësuesi që iu rikthye zanatit të qepjes, sot 80 vjeçar

Sociale | 4 vite më parë

Sot është 80 vjeç por çdo ditë atë e gjen në atelienë e tij ku i kalon jo më pak se 5 orë në ditë duke punuar në zanatin si rrobaqepës, ndonëse në jetën e tij Naim Haxhija ka ushtruar edhe profesionin si mësues. E ka nisur si rrobaqepës që në vitin 1957 kur akoma nuk i kishte mbushur 14 vjeç por Naimi nuk i ka harruar asnjëherë personat që e ndihmuan të bëhej pjesë e këtij zanati.

Në pjesën më të madhe të rasteve ka qepur kostume për burra por nuk i ka përjashtuar as veshjet për gra.

Ndonëse ka mbi 66 vjet që e ushtron, Naimi thotë se çdo ditë mëson gjëra të reja nga ky zanat dhe se sipas tij “zanati nuk të lë asnjëherë pa bukë”. Rrobaqepësi i pasionuar Naim Haxhija ka edhe një mesazh për më të rinjtë. Përvoja e tij e gjatë është shpërblyer gjithnjë me respektin që njerëzit në Shkodër gëzojnë për të.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.