Mjekja pneumologe Silvana Sadria ka deklaruar se covidit janë shfaqur një sërë sëmundjesh kronike te njerëzit.

Duke folur për emisionin “Jetë Shqiptare”, Sadria theksoi se pas covidit është rritur numri i sëmundjet kronike si kardiovaskulare dhe polmunare.

“Covidi ka ndryshuar shumë. Ato që janë rritur janë sëmundjet kronike. Kryesisht janë sëmundjet kardiovaskulare, polmunare, rritje të vogël kanë edhe te kancerat. Ndoshta kjo  për disa arsye, ndoshta më parë nga mosdiagnositikimi i periudhës kur ishim të mbyllur u detyruam duke bërë që njerëzit të stopoheshin të mos diagnozistikoheshin duke u fokusuar te covidi, kanë qëlluar raste të reja më vonë. Trendi është njësoj siç edhe në pjesën tjetër të botës apo ndërrajonale. Sëmundjet e rritura janë kardiovaskulare”, tha Sadria.

Ajo vuri në dukje se nga komplikacionet që ka krijuar covidi, ka përshpejtuar edhe shumë sëmundje të tjera.

Sipas Sadrias, këto janë pasojat afatgjata të covidit por ka edhe faktorë të tjerë që ndikojnë në rritjen e këtyre sëmundjeve, ndërsa shpjegoi se kategoria më e prekur është ajo e moshës së tretë.

“Komplikacionet që ka lënë nga pjesa e covidit një nga këto janë kardiovaskularet apo sëmundje metabolitike siç është diabeti. Këto reflektohen direkt në buxhet sepse janë sëmundje që pacientët kanë një rimbursim të caktuar. Covidi bëri diçka që disa sëmundje nuk do të shfaqeshin asnjëherë nëse nuk do të ishte covidi, por ka studime që covidi mund të ketë përshpejtuar një diabet të fshehur, një sëmundje kardiovaskulare. Janë pasojat afatgjatë të covidit, ku një person vijon me marrje fryme, diku me djersë, diku me lodhje apo të sistemit nervor. Ndërsa sëmundjet kronike janë pasojat e lënë nga covidi. Këtu ka edhe faktorë jo vetëm që vijnë nga covidi, por edhe nga ndryshimi i stilit të jetesës, mënyrës se si punojmë, të ndotjes së ambientit. Disa lloj faktorësh që rrisin sëmundshmërinë kronike”, shpjegoi Sadria.

/rtsh.al/