Votimi i për kryetaren e Kuvendit dha shkëndijën e parë se beteja politike nuk do të jetë aq lehtë, pavarësisht se paraditen e së premtes, lufta u foksua mes Berishës dhe Bashës, për shkak të përjashtimit nga grupi parlamentar i PD-së. Pasditen e sotme, opozita kishte ndërmarrë një akt duke mos votuar për Nikollën dhe grisur fletën e votimit në mënyrë demonstrative dhe duke i hedhur jashtë kutisë. Këtij akti iu bashkuan të gjithë deputetë e opozitës, veç atyre të LSI-së.

Kryeministri Rama u kundërpërgjigjur me një gjest tjetër. Pak para se të hidhte në kuti fletën e votimit për kryetarin e ri të Kuvendit, ai nisi të mbledhë fletët e grisura nga Partia Demokratike. Rama i futi letrat në një qese, e më pas, u ul në poltronin e tij në sallën e Kuvendit. Por, ky veprim i kryeministrit është kundërshtuar nga deputeti i PD, Belind Këlliçi, i cili deklaroi se ky akt cënonte procesin e votimit. Rama nuk iu përgjigj, por  zgjodhi që të dorëzonte qesen me fletët e grisura në duart e deputetit Këlliçi. Më pas deputeti i opozitës zbrasi sërish qesen me letrat përtokë.