PD kërkoi verifikim të thelluar për kryebashkiakun e Malësisë së Madhe, KQZ: Do t’i dërgojmë të dhënat Prokurorisë

Politikë | 2 vite më parë

Komisioni Qendror i Zgjedhjeve ka pranuar kërkesën e PD-së për verifikim të thelluar për kreun e Bashkisë së Malësisë së Madhe, Tonin Marinaj. Në mbledhjen e kësaj të enjte (11 korrik), kreu i KQZ-së, Ilirjan Celibashi tha se të dhënat do t’i dërgohen Prokurorisë së Përgjithshme për verifikim të mëtejshëm.

Sipas PD-së, Marinaj nuk ka përfshirë në formularin e dekriminalizimit një hetim të kryer mbi të nga Gjykata në Firence të Italisë. Sipas tyre, Marinaj ka qenë në procedim për trafikim marijuane në të paktën 3 raste dhe është cilësuar nga autoritete italiane si organizatori i këtij trafiku droge.

Kreu i Bashkisë së Malësisë së Madhe reagoi duke hedhur poshtë akuzat, ndërsa i konsideroi si një “skenar të dobët frymëzuar nga ndonjë pasdritare”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.