Presidenti turk, Rexhep Taip Erdogan ka emëruar në krye të Bankës Qendrore të vendit Hafize Gaye Erkan, një financiere që ka jetuar dhe punuar në SHBA për më shumë se dy dekada, një lëvizje kjo për të cilën Bloomberg raportoi se mund të shënonte fundin e normave shumë të ulëta të interesit si dhe ndërhyrjeve qeveritare për rritjen e vlerës së monedhës vendase.  

Kjo është hera e parë që në krye të Bankës Qendrore turke vendoset një grua. Erkan ka punuar për Goldman Sachs Group Inc për gati dhjetë vite dhe ka qenë bashkëdrejtore ekzekutive e First Republik Bank deri 1 vitë e gjysëm para se ajo bankë të falimentonte në muajin maj. 

Në krye të bankës qendrore turke, 43 vjeçarja zëvendëson Sahap Kavcioglu, i cili mbështeti fuqishëm pretendimin e Erdoan se ulja e normës së interesit ishte mënyra më e mirë për të luftuar inflacionin.  

Aftësitë e drejtores së re për të ngadalësuar rritjen e çmimeve dhe rikthimin e investitorëve të portofolit do të varet nga fakti se sa autonomi Erdoan, i cili e përshkruan veten si armik të normave të larta të interesit,  do t’i japë asaj.  

Gazetare: Elda Pepa

/RTSH/