Përjashtohet nga seanca deputetja Hoti, Spiropali: Bëre krim, SPAK të merret me ju

Politikë | 2 vite më parë

Deputetja Elda Hoti është përjashtuar nga seanca, pasi ka hedhur një lëndë të lëngshme drejt deputetëve. Kryeparlamentarja Elisa Spiropali e konsideroi këtë veprim si vepër penale dhe krim.

Ajo deklaroi se SPAK duhet të hetojë deputeten, ndërsa theksoi se deputetëtve socialistë ju rrezikua jeta prej saj.

Kryeparlamentarja përjashtoi gjithashtu edhe deputetin demokrat Petrit Doda.

“Keni ardhur në Parlament me benzinë në çantë. Është vepër penale. Keni bërë krim. Ka kallëzim penal për veprat tuaja. SPAK duhet të merret me ju. Po cenoni e dhunoni deputetët. Deputetët ndihen të cenuar nga ju.

Këto janë akte dhune të papranueshme. Dilni jashtë nga seanca. Rrezikuat jetën e deputetëve.

Çfarë ishte materiali që u hodh drejt deputetëve? Garda ta verifikojë. Zonja Hoti dhe z. Doda jeni të përjashtuar të dy”, deklaroi Spiropali.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.